هريدى جاسوس

ا هريدى يعمل جاسوس لاسرائيل
لموساد الاسرائيلي قرر أنه يشغل جاسوس مصرى عنده بعد طول بحث
أستقروا على هريدى الصعيدى راحوا لهريدى وا خذوه تل أبيب و قعدوا يدربوه 6 شهور
و بعدها قالو خلاص دلوقتى انت جاهز لمهمة التجسس
سألهم هريدى : يعنى حارجع مصر‎
مدرب الموساد : أيوة .. تروح و تنفذ كل التعليمات اللى قلنالك
هريدى : طب ازاى حاتصل بيكم‎
مدرب الموساد : لا لا .. انت ماتتصلش‎ ..
احنا لما نحب نتصل بيك حانبعتلك مندوب يقوللك((ازايك و ازاى اهلك)) هي دي الشفره بتاعتنا‎
لما يقولها لك خلاص .. تعرف أنه تبعنا .. ماشى يا هريدى‎
هريدى : تحت أمرك يا فندم‎
و بالفعل رجع هريدى مصر .. و بعد شهرين قرر الموساد انه لازم يتصل بهريدى‎ ..
ارسلوا له مندوب .. راح المندوب لمصر ووصل العماره اللي ساكن فيها هريدي
وسأل بواب العمارة : هريدى ساكن فى اي شقة‎
قال البواب : هريدى مين فيهم يا بيه .. العمارة فيها 4 هريدى‎
المندوب خاف العملية تنكشف : قولى شقة أى واحد فيهم‎
البواب : عندك واحد ساكن فى الدور الأول‎
طلع المندوب و دق جرس الشقة اللى فى الدور الأول‎
فتح له واحد صعيدي
قال المندوب : أنت هريدى ..؟؟
قال: ايوه يابيه
ازايك و ازاى أهلك (الشفره‎ )
رد الصعيدي وقال‎ :
اهاااااااااااااااااا أنت عاوز هريدى الجاسوس.. هوا ساكن فى الدور الرابع


[b]